سوات پریس کلب میں ایوارڈز کی تقریب کا انعقاد

سوات (زما سوات ڈاٹ کام ۔12اگست 2017)چیف الیکشن کمشنر سوات جاوید اقبال خٹک نے کہاہے کہ سوات میں بے پناہ ٹیلنٹ موجود ہے ، سوات کی عوام نے ملک کی بقاء اور سلامتی کے لئے بے تحاشہ قربانیاں دی ہیں ، سوات کے صحافیوں ، سماجی ورکروں اور ہنرمندوں کی حوصلہ افزائی کے لئے ریڈ انٹر ٹینمنٹ کی جانب سے ایوارڈ کی تقسیم اہم فیصلہ ہے ، ان خیالات کا اظہار انہوں نے سوات پریس کلب میں ایوارڈز کی تقسیم کی تقریب سے خطاب کرتے ہوئے کیا ، تقریب کی صدارت تحصیل ناظم اکرام خان نے کی جبکہ اس موقع پر سوا ت پریس کلب کے صدر شہزاد عالم ، گورننگ باڈی کے ممبر غلام فاروق اور لیڈی کونسلر نسیم اختر بھی موجود تھے ، تقریب کے دوران عوام کی بے لوث خدمت اور عوامی مسائل اجاگر کرنے پر صحافیوں غلام فاروق ، شہزاد عالم ، حضرت بلال ، فضل رحیم خان ،شہاب الدین ، شیرین زادہ ،پرویز عالم ، محبوب علی ، ناصر عالم ، غفور خان ، فضل خالق خان اور حکیم عثمان علی کو خصوصی ایوارڈ ز دیئے گئے جبکہ ثقافتی تنظیموں کے عہدیداروں شیرین زادہ بدر ، رسول خان ارباز ، مراد علی خان ، گلوکاروں مسکان ، کمال عزیز اور شاعر عثمان خیالی کو بھی ایوارڈز سے نوازا گیا ، خواتین کی بے لوث خدمت کرنے پر لیڈ ی کونسلر نسیم اختر ، ڈاکٹر بخت ناز ، پشتو فلموں کے ڈائریکٹر شاہد عثمان کو ایوارڈ دیئے گئے ، ریڈانٹر ٹینمنٹ کے چیئرمین اعجاز خان بے گناہ نے خطاب کرتے ہوئے کہا کہ یوم آزادی کے موقع پر ملک و قوم کے لئے بہتر کردار اداکرنے والے سوات کی صحافیوں ، سماجی شخصیات اور ہنر مندوں کو ایوارڈ دینے پر خوشی محسوس کرتے ہیں یہ ہمارا تیسرا پروگرام ہے جلد ہی ایک اور پروگرام میں سوات کے مزید صحافیوں کو ایوارڈ ز سے نواز ا جائے گا ، تقریب کے دوران کمال عزیز اور گلوکارہ مسکان نے اپنے فن کا مظاہرہ کیا اور شرکاء سے داد وصول کی ، تقریب کی آخرمیں صدر سوات پریس کلب شہزاد عالم نے ایوارڈ تقریب کے انعقاد پر ریڈانٹرٹینمنٹ تنظیم کا شکریہ ادا کیا ۔

( خبر جاری ہے )

ملتی جلتی خبریں
Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More