سوات سے تعلق رکھنے والے امجد خان نیویارک پولیس میں ڈیٹیکٹو فرسٹ گریڈ کے عہدے پر ترقی پائیں گے

نیویارک ( زماسوات ) نیویارک پولیس ڈیپارٹمنٹ میں ایک اور پاکستانی امریکن جس کا تعلق سوات مینگورہ سے ہے ہے کی اعلیٰ عہدے پر ترقی ہونے جا رہی ہے ۔ پولیس ڈیپارٹمنٹ کی جانب سے امجد خان کو ڈیٹیکٹو فرسٹ گریڈ کے عہدے پر ترقی دی جا ری ہے۔ امجد خان کو ان کی پروموشن کی سند جمعہ ،27جون کو پولیس ہیڈ کوارٹر میں منعقد ہونیوالی تقریب میں پیش کی جائے گی ۔ انہیں پروموشن سرٹفکیٹ پولیس کمشنر کی جانب سے پیش کیا جائیگا۔

پاکستانی امریکن کمیونٹی کی جانب سے امجد خان کو ان کی ترقی کی پیشگی مبارکباد دی گئی ہے اور دعا کی گئی ہے کہ اللہ تعالیٰ انہیں سلامت رکھے اور مزید ترقیاں اور کامیابیاں عطاءفرمائیں ۔امجد خان کے بھائی بھی نیویارک پولیس میں خدما ت انجام دے رہے ہیں ۔ واضح رہے کہ نیویارک پولیس ڈیپارٹمنٹ میں پاکستانی امریکن پولیس ایگزیکٹو اور آفیسرز کی تعداد سات سو سے تجاوز کر گئی ہے اور اس تعداد میں بتدریج اضافہ ہو رہا ہے ۔