سوات: بابوزئی کے علاقے قمبر میں تیز رفتار ڈاٹسن نے راہ گیروں کو ٹکر مار دی، جس کے نتیجے میں تین افراد زخمی ہو گئے۔
ریسکیو 1122 کے مطابق حادثے کی اطلاع ملتے ہی میڈیکل ٹیم فوری طور پر جائے وقوعہ پر پہنچ گئی۔ زخمیوں کی شناخت امتیاز (27 سال)، رضا خان (20 سال)، اور عاقب (24 سال) کے ناموں سے ہوئی، جو پاکپتن کے رہائشی بتائے جاتے ہیں۔
ریسکیو اہلکاروں نے زخمیوں کو موقع پر ابتدائی طبی امداد فراہم کی اور بعد ازاں انہیں سنٹرل ہسپتال سیدو منتقل کر دیا۔ حادثے کی مزید تفصیلات معلوم کی جا رہی ہیں۔