منگلور،دریائے سوات کے کنارے نامعلوم نوجوان لڑکی کی لاش برآمد

سوات (زما سوات ڈاٹ کام ۔17ستمبر 2017ء )سوات میں منگلور کے مقام پر دریائے سوات سے نامعلوم نوجوان لڑکی کی لاش ملی، پولیس ورثاء کی تلاش میں ، پولیس ذرائع سے ملنے والی رپورٹ کے مطابق گزشتہ روز منگلور کے علاقے میں دریائے سوات سے ایک نوجوان لڑکی جس کی عمر تقریباً19/20 سال ہے کی لاش ملی ہے ، لڑکی نے سرخ رنگ کے کپڑے پہنے ہوئے ہیں جبکہ اس کی ہاتھوں میں دو سونے کی انگوٹھیاں بھی ہیں ، لڑکی فیشنی برقعے میں ملبو س ہے ، پولیس نے لاش شناخت کے لئے سیدوشریف اسپتال منتقل کر کے ورثاء کی تلاش شروع کردی ہے ، منگلور پولیس نے واقعے کی رپورٹ مزید کارروائی کے لئے درج کرلی ہے۔