مینگورہ،علاقہ بارامہ میں پانی کی قلت،مکین شدید مشکلات سے دوچار

سوات(زما سوات ڈاٹ کام) مینگورہ شہر کے نواحی علاقہ بارا مہ میں پانی کی قلت نے سنگین صورتحال اختیار کی ہے،علاقہ میں پانی کی قلت کی وجہ سے لوگوں کو شدید مشکلات کا سامنا ہے اور دور دراز سے پانی لانے پر مجبور ہیں۔ علاقے کے مکینوں کا کہنا ہے کہ واسا کی جانب سے

تین دن بعدچند منٹ کیلئے پانی مہیا کرتے ہیں جومخصوص محلوں کو دستیاب ہوتے ہیں جبکہ سینکڑوں گھراس سے محروم ہوتے ہیں۔مکینوں کا کہنا ہے کہ دن بھر مزدوری کے بعد یہاں کے لوگ رات کے وقت دور دراز علاقوں سے پانی لانے پر مجبور ہوگئے ہیں۔علاقہ مکینوں کا کہنا ہے کہ بار بار یقین دہانیوں کے باوجود واسا کی جانب سے پانی کا مسئلہ حل نہیں کیا جا رہا،انہوں نے مطالبہ کیا جلد از جلد پانی کا مسلہ حل کیا جائے بصورت دیگر شدید احتجاج پر اُتر آئیں گے۔