کالام، اتروڑ کی شاہراہ تین دنوں سے بند، انتظامیہ خاموش تماشائی

سوات(زما سوات ڈاٹ کام ) کالام کی وادی اتروڑ کی شاہراہ برفباری کے باعث بند، مقامی افراد مشکلات کا شکار ہو گئے ۔ ذرائع کے مطابق سوات کے سیاحتی مقام کالام کے نواحی علاقے اتروڑ تک جانے والی شاہراہ تین دنوں سے برفباری کے باعث بند پڑی ہے جبکہ اس کے ساتھ ساتھ لنک سڑکیں بھی بند ہو گئی ہیں۔

مقامی ذرائع کا کہنا ہے کہ تین دن گزر گئے لیکن ابھی تک شاہراہ کو کھولنے کے لئے کسی قسم کے اقدامات نہیں اُٹھائے گئے ۔ مقامی لوگوں نے مطالبہ کیا ہے کہ شاہراہ کو کھولنے کے لئے فوری اقدامات کئے جائیں تاکہ لوگوں کو درپیش مشکلات ختم ہو سکیں ۔