پاک فوج کی جانب سے طلباء و طالبات کے لئے چترال کا تین روزہ دورہ

چترال سکاؤٹس نے طلباو طالبات کا استقبال کیا

ی او سی مالاکنڈ ڈویژن میجرجنرل محمد اعجاز مرزا کی خصوصی ہدایت پرپاک فوج کے زِیر اہتمام مالاکنڈ ڈویژن کی مختلف یونیورسٹیز کے طلباء و طالبات کوچترال کا تین روزہ دورہ کرایا گیا۔وفد میں یونیورسٹی آف مالاکنڈ،یونیورسٹی آف سوات اور سیدو میڈیکل کالج کے طلباء و طالبات شامل تھے۔ چترال پہنچنے پر چترال سکاؤٹس کے کمانڈنٹ نے وفد کے اراکین کو چترال کا روائتی پکول پہنا کر ان کا استقبال کیا۔ اس دورے میں طلباء و طالبات وادی کیلاش بھی گئے

سوات(زما سوات ڈاٹ کام)جی او سی مالاکنڈ ڈویژن میجرجنرل محمد اعجاز مرزا کی خصوصی ہدایت پرپاک فوج کے زِیر اہتمام مالاکنڈ ڈویژن کی مختلف یونیورسٹیز کے طلباء و طالبات کوچترال کا تین روزہ دورہ کرایا گیا۔وفد میں یونیورسٹی آف مالاکنڈ،یونیورسٹی آف سوات اور سیدو میڈیکل کالج کے طلباء و طالبات شامل تھے۔ چترال پہنچنے پر چترال سکاؤٹس کے کمانڈنٹ نے وفد کے اراکین کو چترال کا روائتی پکول پہنا کر ان کا استقبال کیا۔ اس دورے میں طلباء و طالبات وادی کیلاش بھی گئے۔

جہاں انھوں نے کیلاش کے ثقافتی رنگوں سے مزین چموس فیسٹیول کا مشاہدہ کیااورکیلاش قبیلے کے تاریخی قبرستان کا دورہ بھی کیا۔اس موقع پرجی او سی مالاکنڈ ڈویژن میجرجنرل محمد اعجاز مرزا بھی موجود تھے۔جی او سی نے کہا کہ مالاکنڈ ڈویژن میں بہت خوبصورت جگہیں ہیں۔ جہاں پر ہم سول انتظامیہ کے تعاون سے سیاحت کے فروغ کے لیے کوشاں ہیں۔مختلف یونیورسٹیز کے طلباء و طالبات اور ملک بھر سے آئے ہوے سیاح چموس فیسٹیول کی رنگا رنگ تقریبات کے ساتھ ساتھ علاقائی میوزک اور رقص سے بھی خوب محظوظ ہوئے۔

جی او سی طلباء وطالبات، سیاحوں،صحافیوں اور مقامی کمیونیٹی میں گھل مل گئے۔وفد نے پاک فوج کی جانب سے منعقد دورے کو خوش آئند قرار دیااور جی او سی کاخصوصی شکریہ ادا کیا۔نھوں نے کہاکہ پاک آرمی کی جانب سے ایسے مواقع فراہم کرنا طلباء و طالبات کے لیے ایک انتہائی مثبت اقدام ہے جس سے ہمیں بالخصوص چترال کے کلچر کے بارے میں بہتر آگاہی ملی ہے۔پاک فوج کے بہترین انتظامات کو سراہتے ہوے انھوں نے جی او سی سے کہا کہ آپ نے نوجوانوں کادل جیت لیاہے۔اس دورے کے دوران طلباء و طالبات کوچترال میوزیم اورFCPSسمیت چترال دروش اور کیلاش کے مختلف حصوں میں جانے کا موقع بھی ملا۔

( خبر جاری ہے )

ملتی جلتی خبریں
Comments
Loading...