’ہم مجبور ہیں معاف کردینا‘ ڈاکو اسٹور سے آٹا، دالیں اور مصالحے لوٹ کر فرار

ڈاکوجاتے ہوئے ہوئے دکاندارسے یہ بھی کہہ گئے ہم مجبور ہیں۔

دکاندار عتیق نے مزید بتایا کہ واردات کے دوران ایک سیلزمین بھی آیا تو ڈاکوؤں نے اس سے بھی موبائل فون اور نقدی چھین لی جس کے بعد وہ موٹر سائیکل پرفرار ہونے میں کامیاب ہوگئے ، ڈکیت کم عمر تھے جبکہ انھوں نے اپنے چہرے بھی چھپائے ہوئے تھے ، واقعے کے بعد انھوں نے پولیس کو بھی آگاہ کیا لیکن ڈکیت گرفتار نہیں ہوسکے۔ شہریوں نے سندھ حکومت سے اپیل کی ہے کہ وہ پولیس کو اسٹریٹ کرائم کے خاتمے کے لیے ٹھوس حکمت عملی اپنانے کی ہدایات کرے اور انھیں اسٹریٹ کرائم کے عفریت سے چھٹکارا دلائے۔

کراچی(ویب ڈیسک)شریف آبادمیں لوٹ مارکی انوکھی واردات میں ڈاکوکریانہ اسٹور سے آٹا،دالیں،آئل گھی،مصالحے ،موبائل اورنقدی لوٹ کرلے گئے جب کہ ڈاکوجاتے ہوئے ہوئے دکاندارسے یہ بھی کہہ گئے ہم مجبور ہیں۔ شہرقائد میں لوٹ مارکی وارداتوں میں روزبروز اضافہ ہوتا جارہا ہے، ڈاکو نہ صرف راہ چلتے شہریوں کو لوٹ لیتے ہیں بلکہ دکانوں اور حتیٰ کہ ڈپارٹمنٹل اسٹورز پر بھی دیدہ دلیری سے وارداتیں کرتے ہیں،ڈپارٹمنٹل اسٹورز میں سی سی ٹی وی کیمرے بھی نصب ہوتے ہیں، کئی وارداتوں کی سی سی ٹی وی فوٹیجز پولیس حکام کو فراہم کی گئی لیکن ڈکیت پھر بھی گرفتار نہیں کیے جاسکے۔ نیو کراچی ، صدر ، ٹاور ، ناظم آباد ، نارتھ ناظم آباد ، ناگن چورنگی ، نارتھ کراچی ، گلشن اقبال ، قائد آباد ، ملیر ، گلستان جوہر غرض شہر کا کوئی ایسا علاقہ نہیں جہاں لوٹ مارکی وارداتیں نہیں ہورہیں،گزشتہ روز شریف آباد میں ڈاکوکریانہ اسٹور لوٹ کر فرار ہوگئے ڈاکوؤں نے جاتے ہوئے دکاندارسے یہ بھی کہاکہ ’’ ہم مجبور ہیں ، یہ ہماری پہلی واردات ہے ، ہوسکے تو معاف کردینا ‘‘۔

دکاندار عتیق نے بتایا کہ وہ عرصے سے شریف آباد بلاک ون میں رہائش پذیر اور اسی علاقے میں کریانہ اسٹور چلاتے ہیں اتوار کی صبح انھوں نے ابھی اسٹور کھولا ہی تھا کہ چند لمحوں میں موٹر سائیکل پرسوار 2ڈاکوپہنچے اور انھوں نے موبائل فون اورنقدی لینے کے بعد 10کلو والے آٹے کے 2تھیلے، 10کلو سے زائد مختلف دالوں کے پیکٹ، آئل اورگھی کی 10تھیلیاں اور 5کلو مصالحوںکے پیکٹ اٹھائے اور چلتے بنے جانے سے پہلے ڈاکوؤں نے کہا کہ وہ انتہائی مجبوری میں چوری کی واردات کررہے ہیں اور یہ ان کی پہلی واردات ہے لہٰذا انھیں معاف کردیا جائے، اگر ہم مجبور نہیں ہوتے تو کبھی بھی یہ گھناؤنا کام نہ کرتے۔

دکاندار عتیق نے مزید بتایا کہ واردات کے دوران ایک سیلزمین بھی آیا تو ڈاکوؤں نے اس سے بھی موبائل فون اور نقدی چھین لی جس کے بعد وہ موٹر سائیکل پرفرار ہونے میں کامیاب ہوگئے ، ڈکیت کم عمر تھے جبکہ انھوں نے اپنے چہرے بھی چھپائے ہوئے تھے ، واقعے کے بعد انھوں نے پولیس کو بھی آگاہ کیا لیکن ڈکیت گرفتار نہیں ہوسکے۔ شہریوں نے سندھ حکومت سے اپیل کی ہے کہ وہ پولیس کو اسٹریٹ کرائم کے خاتمے کے لیے ٹھوس حکمت عملی اپنانے کی ہدایات کرے اور انھیں اسٹریٹ کرائم کے عفریت سے چھٹکارا دلائے۔

( خبر جاری ہے )

ملتی جلتی خبریں
Comments
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More