وزیر خارجہ سے امریکی نمائندہ خصوصی زلمے خلیل زاد کی ملاقات
افغانستان میں قیام امن کی کاوشوں سمیت خطے میں امن و امان کی مجموعی صورت حال پر تبادلہ خیال کیا۔
ملاقات میں زلمےخلیل زاد نے شاہ محمود قریشی کو طالبان سے امن مذاکرات کی حالیہ صورت حال سے آگاہ کرتے ہوئے بتایا کہ امریکا اور طالبان کے درمیان امن معاہدہ طے پانے سے “انٹرا افغان مذاکرات” کی راہ ہموار ہو گی۔ اس موقع پر شاہ محمود قریشی کا کہنا تھا کہ امریکا طالبان امن معاہدہ ناصرف افغانستان بلکہ پورے خطے کے امن و استحکام کے لیے خوش آئند ثابت ہوگا اور پاکستان افغانستان میں قیام امن کے لیے کی جانے والی کوششوں کی حمایت جاری رکھے گا۔ امریکی نمائندہ خصوصی زلمے خلیل زاد نے شاہ محمود قریشی سے ملاقات میں افغان امن عمل میں پاکستان کے مصالحانہ کردار کی تعریف بھی کی