کورونا وائرس: ہلاکتیں 259 ہوگئیں، امریکا میں چین سے آنیوالوں کا داخلہ بند
وائرس سے اب تک 11 ہزار 791 افراد کے متاثر ہونے کی تصدیق کی جاچکی ہے۔
ایک لاکھ سے زائد افراد کو وائرس کی علامات کے شبے میں طبی نگرانی میں رکھا گیا ہے۔ چین کے مقامی میڈیا کے مطابق تائینجان شہر میں وائرس کے خطرے کے پیش نظر تمام اسکول اور کمپنیاں بند کرنے کا اعلان کردیا گیا ہے۔ مقامی میڈیا کا کہنا ہےکہ 15 ملین کی آبادی والے تائینجان شہر میں 31 جنوری تک 32 کیسز رپورٹ ہوچکے ہیں۔ میڈیا رپورٹس کے مطابق کورونا وائرس دنیا کے 20 سے زائد ممالک تک پہنچ چکا ہے اور 22 ممالک میں 100 سے زائد کیسز رپورٹ ہونے کی تصدیق ہوچکی ہے جن میں برطانیہ اور اسپین میں بھی وائرس کے کیسز رپورٹ ہوئے ہیں۔