سوات(زما سوات ڈاٹ کام ) سوات میں مختلف حادثات کے دوران چار افراد زخمی ہو گئے،زخمیوں کو ریسکیو اہلکاروں نے اسپتال منتقل کردیا۔ ریسکیو1122 کے ذرائع کے مطابق منگلو ر میں ٹریفک حادثہ پیش آیا جس میں دو افراد زخمی ہو گئے۔ ریسکیو اہلکاروں نے بروقت امدادی کارروائی کرتے ہوئے دونوں زخمیوں کو اسپتال منتقل کردیا۔ دوسرا واقعہ تحصیل کبل کے علاقے گاشکوڑ بانڈئی میں پیش آیا جس میں سوزوکی نے کھڑے ٹرک کو ٹکر مار دی جس کے نتیجے میں دو افراد احمد شاہ اور نوشیروان زخمی ہو گئے۔ ریسکیو اہلکاروں نے زخمیوں کو طبی امداد کے لئے اسپتال منتقل کردیا جہاں پر ان کی حالت خطرے سے باہر بتائی جا رہی ہے ۔