سیدوشریف اسپتال کی عوامی انتظار گاہ پارکنگ میں تبدیل

سیدو شریف اسپتال میں عام لوگوں کی انتظار گاہ کو پارکنگ میں تبدیل کردیا گیا، اسپتال میں داخل ہوتے ہی مین راستے میں ناکہ بندی لگا دی گئی ہے۔ پارکنگ کے نام پر لوگوں سے ٹیکس وصولی کا دھندہ عروج پر پہنچ گیا ہے۔

سوات(زما سوات ڈاٹ کام)سیدو شریف اسپتال میں عام لوگوں کی انتظار گاہ کو پارکنگ میں تبدیل کردیا گیا، اسپتال میں داخل ہوتے ہی مین راستے میں ناکہ بندی لگا دی گئی ہے۔ پارکنگ کے نام پر لوگوں سے ٹیکس وصولی کا دھندہ عروج پر پہنچ گیا ہے۔ لوگوں کا کہنا ہے کہ انتظار گاہ عوام کی سہولت کے لئے بنایا گیا تھا جبکہ وہاں پر گاڑیوں اور موٹرسائیکلوں کی پارکنگ کی جا رہی ہے جبکہ کرائے پر دی جانے والی رضائیاں اور چارپائیاں رکھی گئی ہیں۔( خبر جاری ہے )

سیدو شریف اسپتال کی عوامی انتظار گاہ کو پارکنگ میں تبدیل کیا گیا ہے

ذرائع کے مطابق سیدو شریف اسپتال میں سرکاری خزانے سے قائم ہونے والے عوامی انتظار گاہ کو گاڑیوں کے پارکنگ کے لئے استعمال کیا جا رہا ہے۔پارکنگ کے لئے موٹر سائیکل سوار سےبیس روپے جبکہ موٹر گاڑیوں سے تیس روپے وصول کئے جا رہے ہیں۔

ذرائع کا کہنا ہے کہ اسپتال میں داخل ہوتے ہی مین سڑک پر ناکہ بندی کی گئی ہے اور ہر گزرنے والی گاڑی موٹر سائیکل کو روک کر پارکنگ کے نام پر پیسے لئے جا رہے ہیں جبکہ وہاں پر رضائیاں اور چارپائیاں بھی رکھی گئی ہے۔ ذرائع کا کہنا ہے کہ انتظار گاہ کو پارکنگ میں تبدیل کرنے کے بعد وہاں پر لوگوں کو قیام اور رات گزارنے کی اجازت نہیں دی جاتی اور لوگوں وہاں سے نکال دیا جاتا ہے۔

گاڑیوں کی پارکنگ کے لئے اسپتال کے نیچے ندی کی طرف جگہ مختص کی گئی ہے جبکہ وہاں کے بجائے انتظار گاہ میں پارکنگ پر عوام میں شدید غم وغصہ پایا جا رہا ہے۔ عوام کا کہنا ہے کہ سرکاری انتظار گاہ کو پیسوں کے لئے پارکنگ میں تبدیل کرنا سراسر ظلم ہے ۔اعلیٰ حکام اس کا نوٹس لیں۔ اس حوالے سے اسپتال انتظامیہ سے بھی رابطہ کرنے کی کوشش کی گئی لیکن ان سے رابطہ نا ہوسکا۔

( خبر جاری ہے )

ملتی جلتی خبریں
Comments
Loading...