سوات(زما سوات ڈاٹ کام) سوات کے علاقے مٹہ میں پولیس نے شراب کی بھٹی پر چھاپہ مار کر 212لیٹر شراب بر آمد کرلی۔ مٹہ پولیس کے مطابق سوات کی تحصیل مٹہ کے علاقے بالاسور میں ملزم فضل خالق ولد سوالے اپنے طبیلے میں شراب کی بھٹی چلا رہا تھا۔ پولیس نے خفیہ اطلاع ملنے پر مذکورہ علاقے میں چھاپہ مارا،اس دوران شراب کی بھٹی سے 212لیٹر شراب بر آمد کرکے ملزم کو گرفتار کرلیا۔اس حوالے سے ایس پی زربادشاہ کا کہنا ہے کہ پولیس کو اطلاع ملی تھی جس پر کارروائی کی گئی اور ملزم کو شراب بناتے ہوئے گرفتار کیا گیا۔ ایس پی کے مطابق 212لیٹر شراب بر آمد کر لی گئی ہے اور ملزم پولیس کی حراست میں ہیں۔