کانجو،سیکورٹی فورسز کے ساتھ جھڑپ، ایک دہشت گرد ہلاک ایک زخمی، ایک سیکورٹی اہلکار بھی زخمی ہوگیا

ڈی پی او کا کہنا ہے کہ مکرم نامی دہشتگرد دہشت گردی کے تین مقدمات میں مطلوب تھا

سوات(زما سوات ڈاٹ کام) سوات کے علاقے کانجو میں دہشت گردوں کی جانب سے سیکورٹی فورسز کے قافلے پر فائرنگ، جوابی کارروائی میں ایک دہشت گرد ہلاک جبکہ ایک زخمی ہوگیا، جھڑپ میں ایک سیکورٹی اہلکار بھی زخمی ہوگیا ہے۔ پولیس ذرائع کے مطابق سوات کی تحصیل کبل کے علاقہ کانجوچوک میں ودان بیکری کے قریب سیکورٹی فورسز کے قافلے پر دہشت گردوں نے فائرنگ کردی جس کے نتیجے میں ایک سیکورٹی اہلکار اشرف زخمی ہوگیا۔
پولیس کے مطابق سیکورٹی فورسز نے جوابی کارروائی کرتے ہوئے فائرنگ شروع کردی جس کے نتیجے میں ایک مطلوب دہشت گردانعام جان عرف مکرم ولدشاہ زرین سکنہ دمغار موقع پر جاں بحق ہوگیا جبکہ اُس کا دوسرا ساتھی نثار نامی دہشت گرد زخمی ہوگیا ( خبر جاری ہے )

واقعے کے حوالے ڈسٹرکٹ پولیس آفیسر دلاور بنگش کا کہنا ہے کہ کانجو میں سیکورٹی فورسز کی گاڑی پر حملہ کیا گیا ،جوابی کارروائی میں ایک دہشت گرد مکرم ہلاک کردیا گیا ہے۔ ڈی پی او کا کہنا ہے کہ مکرم نامی دہشتگرد دہشت گرد ی کے تین مقدمات میں مطلوب تھا،
واقعے کے بعد پولیس اور سیکورٹی فورسز نے علاقے کو گھیرے میں لے کر سرچ آپریشن شروع کردیا ،کانجو،کبل اور ملحقہ علاقہ جات تک جانے والی سڑکوں کو بند کرکے تلاشی شروع کردی۔
فائرنگ کی وجہ سے علاقہ میں خوف ہراس پھیل گیا اور لوگ خود محفوظ مقامات کی طرف بھاگنے لگے۔ کانجو کے رہائشی سردار نے بتایا کہ اچانک فائرنگ ہوئی جس کی وجہ سے وہ انتہائی خوفزدہ ہو گئے اور خود کو دکان میں بند کردیا۔” کانجو چوک سے تھوڑا آگے اچانک فائرنگ شروع ہوئی جس سے وہاں موجود لوگ انتہائی خوف کے عالم میں ادھر ادھر بھاگنے لگے”
پولیس کا کہنا ہے کہ زخمی دہشت گرد اور سیکورٹی اہلکار کو اسپتال منتقل کردیا ہے جبکہ سرچ آپریشن جاری ہے ۔

( خبر جاری ہے )

ملتی جلتی خبریں
Comments
Loading...