سوات(زما سوات ڈاٹ کام) سوات کے سیاحتی مقام کالام کے گاوں پشمال میں مکان کی چھت گرنے سے ایک بچہ جاں بحق جبکہ پانچ افراد زخمی ہو گئے۔ ذرائع کے مطابق محمد نبی سکنہ کندیا کوہستان حال پشمال کے مکان کی چھت گر گئی جس کےنتیجے میں محمد نبی کا آٹھ سالہ نواسہ ملبے تلے دب کر جاں بحق ہوگیا جبکہ ایک پڑوسی فضل اکبر سمیت 5 افراد زخمی ہوگئے۔ مقامی لوگوں نے زخمیوں اور بچے کی لاش کو ملبے سے نکال کر اسپتال منتقل کردیا۔ ذرائع کا کہنا ہے کہ مکان کی چھت شدید بارشوں کی وجہ سے گری ہے۔