سوات(زما سوات ڈاٹ کام ) صوبے کے دیگر اضلاع کی طرح سوات میں سرکاری ملازمین کو تنخواہیں نہیں ملی، بینکوں کے آگے سسٹم کی خرابی کے نوٹس چسپاں کردئے گئے جبکہ صرف پنشن بینکوں میں منتقل کردی گئی ۔ صوبائی حکومت کی جانب سے سرکاری ملازمین کو یکم تاریخ تک ماہ ستمبر کی تنخواہیں منتقل نہ کی جا سکی ہے جس سے ملازمین بے چینی میں مبتلا ہو گئے ہیں، صوبائی حکومت کے مطابق سسٹم میں خرابی کے باعث تنخواہیں منتقل نہ کی جا سکی ہے جبکہ بینکوں کے دروازوں پر بھی نوٹس چسپاں کردئے گئے ہیں جس میں لکھا گیا ہے کہ تنخواہوں کی منتقلی کے حوالے سے اگلے نوٹس کا انتظار کیجئے ۔ذرائع سے معلوم ہوا ہے کہ 4 ستمبر تک تنخواہیں منتقل کی جائیں گی۔ دوسری جانب یہ بھی افواہیں گردش کر رہی ہے کہ صوبائی حکومت کے ساتھ فنڈز نا ہونے کی وجہ سے تنخواہیں منتقل نہیں کی جا سکی ہے ۔