سوات( زما سوات ڈاٹ کام) سیدوشریف فیض آباد میں خواتین حقوق بارے آگاہی اجاگر کرنے کے لئے مقامی تنظیموں کی طرف سے ایک روزہ میلے سے خطاب کرتے ہوئے سٹی میئرشاہدعلی خان نے کہاکہ خواتین ہمارے آبادی کا نصف حصہ ہے ان کو باعزت طریقے سے روزگار کی مواقع فراہم کرنا ہم سب کی ذمہ داری ہے ۔ انہوں کہا کہ اس طرح کے میلوں اور تقریبات کی وہ ذاتی طور پر حوصلہ افزائی کرتاہے انہوں نے کہاکہ ضلع حکومتوں میں خواتین کے لئے مخصوص فنڈ موجود ہے اس فنڈ کو خواتین کے لئے استعمال کیا جائیگا، اس موقع پر پروگرام میں شریک خواتین نے مختلف مسائل بارے سٹی میئر سے سوالات کئے اور کئی مسائل کی نشاندہی کی۔ تقریب سے میلہ انعقاد کرنے والی خواتین تنظیم عورت فاونڈیشن کی سوات میں رہنما ثمرین حکیم نے کہا کہ میلے کا بنیادی مقصد خواتین کے حقوق بارے آگاہی اور ان کے حقوق کا تحفظ کرنا ہے۔ انہوں نے کہا کہ اس میلے کے انعقاد میں مختلف مقامی تنظیموں، میڈیا،ضلع انتظامیہ نے ان کی بھرپور مدد کی ہے جس پر ان کا شکریہ ادا کیا گیا، خواتین میلے میں کثیر تعداد میں خواتین نے حصہ لیا اپنے ہاتھوں سے بنائے گئے اشیاء رکھیں میلے میں مختلف سکولوں کے بچیوں نے سٹیج پر جوڈو، مزاحیہ خاکے پیش کئے جبکہ کئی طالبات نے خواتین کے حقوق بارے تقاریر کئے۔