سوات(زما سوات ڈاٹ کام) مینگورہ کے علاقہ شریف آباد میں زمین کے تنازعے پر فائرنگ سے ایک شخص جاں بحق جبکہ راہگیر زخمی ہوگیا۔ پولیس کے مطابق شریف آباد میں زمین کے تنازعے پر فائرنگ ہوئی جس میں ظفر علی ولد ظاہر شاہ جاں بحق جبکہ ایک راہگیر زخمی ہوگیا۔ پولیس نے سات ملزمان کے خلاف مقدمہ درج کرلیا جن میں سنگین،حضرت علی،تیمور،ارشد علی اور نثار شامل ہیں، دو افراد کو گرفتار کیا جا چکا ہے جبکہ مزید کی گرفتاری کے لئے پولیس نے کارروائی شروع کردی ہے۔
