عمران خان کے ہر حکم کی تعمیل ہماری ترجیحات ہیں، عزیز اللہ گران

سوات (زما سوات ڈاٹ کام ) چیئرمین قائمہ کمیٹی برائے معدنیات صوبہ خیبرپختونخوا عزیز اللہ گران خان نے کہا ہے کہ عمران خان کے وژن میں کرپشن سے پاک معاشرے کاراز پوشیدہ ہے،سیاست کو کرپشن سے پاک کرنے کیلئے عمران خان کے وژن کو اپناناناگزیرہے، عمران خان کے ہرحکم تعمیل کرناہماری ترجیحات میں سرفہرست ہے عمران خان کے حکم پر استعفےٰ تو معمولی بات ہے، ہرقربانی دینے کیلئے تیارہیں تحریک انصاف کے پرچم تلے لوگوں کی خدمت اپنافرض سمجھتے ہیں عمران خان اوروزیراعلیٰ محمودخان کی قیادت میں لوگوں کی خدمت کاسلسلہ جاری رہیگا، تمام سیاسی جماعتیں اکھٹے ہوکر بھی عمران خان کا مقابلہ نہیں کرسکتے۔ ان خیالات کااظہار انہوں نے مینگورہ میں میڈیا کے نمائندوں سے باتیں کرتے ہوئے کیاانہوں نے کہا کہ کرپشن اوربدعنوانیوں کی مکمل خاتمہ کیلئے ہمیں عمران خان کاوژن اپناناہوگا۔ عمران خان کے وژن میں کرپشن سے پاک معاشرے کاراز پوشیدہ انہوں نے کہا کہ فرسودہ سیاسی کلچردفن کرکے جذبہ خدمت سے سرشار سیاسی کلچر متعارف کرانا عمران خان کاطرہ امتیازہے، عمران خان کے وژن میں بلاتفریق عوامی خدمت، ملک وقوم سے محبت اوراس ملک کی بقاء اورسلامتی کے خاطر ہرقسم قربانی دینے کا راز پوشیدہ ہے، کرسی اقتدار، وزارت اورحکومتی عہدوں کی کوئی حیثیت نہیں، عمران خان کے قافلے کے سپاہی ہیں، صوبائی ممبرشپ ہمارے پاس عمران خان کی امانت ہیں، وزیراعلیٰ محمودخان کو عمران خان کی طرف سے جوبھی حکم ملے گا، ہم سب اس کی تعمیل کریں گے، ا س حوالے سے وزیراعلیٰ محمودخان کادوٹوک اورواضح مؤقف سامنے آیاہے، خیبرپختونخوا کے عوام نے عمران خان کابھرپورساتھ دیکر پورے دنیا کو پیغام دیاہے کہ عوام عمران خان کے ساتھ ہیں۔