معروف صحافی شیراز احمد شیرازی کو لیڈر سمٹ 2025 میں صحافت کا ایوارڈ۔

خیبر پختونخوا کے ضلع بٹگرام سے تعلق رکھنے والے معروف صحافی شیراز احمد شیرازی کو لیڈر سمٹ 2025 کے دوران ان کی نمایاں صحافتی خدمات پر ایوارڈ سے نوازا گیا۔ یہ ایوارڈ شیراز احمد شیرازی کو اسکول سے باہر بچوں (Out-of-School Children) کے مسائل اجاگر کرنے اور جے جے ٹی (JJT) کے تعلیمی مشن میں بھرپور تعاون پر دیا گیا۔

شیراز احمد شیرازی نے اس موقع پر کہا کہ یہ اعزاز ان کی محنت اور جدوجہد کا اعتراف ہے اور تعلیم کے حوالے سے موجود چیلنجز پر توجہ دینے کی اہمیت کو اجاگر کرتا ہے۔ انہوں نے کہا کہ یہ ایوارڈ ان تمام بچوں کے نام ہے جو تعلیم کا خواب دیکھتے ہیں اور ان افراد اور اداروں کے نام ہے جو ان کے خوابوں کو حقیقت میں بدلنے کے لیے دن رات محنت کر رہے ہیں۔

انہوں نے مزید کہا کہ مل جل کر کام کرنے سے ہی ایک روشن اور سب کے لیے شمولیتی مستقبل ممکن بنایا جا سکتا ہے۔