سوات(زما سوات ڈاٹ کام) سوات کے سیاحتی مقام کالام کے جنگلات میں ٹمبر مافیا ایک بار پھر سرگرم ہوگیا، اوشو جنگل سے دیار کی 30 قیمتی تناور درخت کاٹ لئے گئے جبکہ متعلقہ حکام خاموش تماشائی بنی بیٹھی ہیں۔ ذرائع کے مطابق سوات کے سیاحتی مقام کالام کے اوشو فارسٹ میں ٹمبر مافیا کے کارندوں نے قیمتی دیار کے 30 تناور درخت کاٹ لئے ہیں جبکہ اس حوالے سے ابھی تک انتظامیہ اور محکمہ فارسٹ نے کسی قسم کے اقدامات نہیں اُٹھائے ہیں۔ مقامی لوگوں کا کہنا ہے کہ متعلقہ حکام اور انتظامیہ صرف دعووں تک محدود ہیں جبکہ بلین ٹری سونامی کا منصوبہ بھی مکمل طور پر ناکام ہو چکا ہے۔
