مدین میں مکان کی چھت گرنے سے چار افراد زخمی
سوات(زما سوات ڈاٹ کام) مدین کے علاقہ بشیگرام باٹی بنڑ میں کچے مکان کی چھت گرنے سے 4 افراد شدید زخمی ہوگئے۔ ذرائع کے مطابق سوات کی تحصیل بحرین کے علاقہ مدین بشیگرام میں ہمیش گل نامی شخص کے کچے مکان کی چھت گر گئی جس کے نتیجے میں ہمیش گل،اس کی بیوی اور دو بیٹیاں شدید زخمی ہوگئیں۔ ریسکیو ٹیم نے بروقت کارروائی کرتے ہوئے تمام زخمیوں کو ملبے سے نکال کر اسپتال منتقل کردیا۔
