سوات : کورونا کے دو مشتبہ مریضوں کے ٹیسٹ لیبارٹری بھجوا دئے گئے

سوات(زما سوات ڈاٹ کام) سوات میں کورونا وائرس کے دو مشتبہ مریض ٹیسٹ لے لئے گئے، دونوں کے ٹیسٹ لیبارٹری بھجوا دئے گئے ہیں جبکہ ابھی تک کیسز کنفرم نہیں ہوئے ہیں۔ ذرائع کے مطابق سوات کی تحصیل کبل کے علاقے ننگولئی سے تعلق رکھنے والے دو مشتبہ مریضوں کو سیدو شریف اسپتال میں لایا گیا تھا ۔ ایک مشتبہ مریض عثمان افضل انگلینڈ سے آیا ہوا ہے جو پیشے سے ڈاکٹر ہے اور انگلینڈ میں کورونا مریضوں کا علاج کرچکا ہے ۔ دوسرا مشتبہ مریض احسان افضل اٹلی سے آیا ہوا ہے ۔

دونوں افراد کے ٹیسٹ لیبارٹری بھجوا دئے گئے ہیں جبکہ ابھی تک دونوں مشتبہ مریضوں کے ٹیسٹ کنفرم نہیں ہوئے ہیں ۔