سوات میں آج بھی کئی مقامات پر پہاڑوں میں آتشزدگی

سوات(زما سوات ڈاٹ کام) سوات میں آج بھی مختلف مقامات پر پہاڑوں میں آتشزدگی کے واقعات ہوئے، مالم جبہ، مرغزار، امانکوٹ ،ملکیدم بریکوٹ اور دیگر علاقوں میں پہاڑوں میں  آغ بھڑک اُٹھی، ضلعی انتظامیہ اور دیگر اداروں کے اہلکاروں نے متعدد مقامات پر آگ کو قابو میں کر لیا ہے تاہم کئی اہم مقامات پر آگ نے شدت اختیار کرلی ہے اور مقامی لوگوں سمیت سول ڈیفنس، ریسکیو، پولیس اور دیگر اداروں کے اہلکار آگ بجھانے میں مصروف ہیں۔ آتشزدگی کے باعث قیمتی لکڑیوں سمیت ، جنگلی حیات کو بھی شدید نقصان پہنچا ہے ۔