خوازہ خیلہ میں مکان کی چھت گرنے سے دو بچے جاں بحق
سوات(زما سوات ڈاٹ کام)خوازہ خیلہ میں مکان کی چھت گرنے سے دو بچے جاں بحق ہو گئے۔ ریسکیو ذرائع کے مطابق سوات کی تحصیل خوازہ خیلہ کے علاقہ بابو میں زیر تعمیر مکان کی چھت گر گئی جس کے ملبے تلے دو بہن بھائی دب گئے۔ ریسکیو ٹیم نے موقع پر پہنچ کر دونوں بچوں آٹھ سالہ واجد اور تین سالہ سدیدہ کو نکال لیا جنہیں طبی امداد کے لئے اسپتال منتقل کردیا جہاں پر وہ زخموں کی تاب نہ لاتے ہوئے چل بسے۔
