قیمتوں کا بحران کم کرنے کیلیے ایران سے ٹماٹر درآمد کے سودے طے کر لیے گئے

کراچی (ویب ڈیسک ) آل پاکستان فروٹ اینڈ ویجیٹیبل ایکسپورٹرز امپورٹرز اینڈ مرچنٹس ایسوسی ایشن کے سرپرست اعلیٰ وحید احمد کے مطابق وفاقی وزارت تجارت نے اب تک 7 درآمدی کمپنیوں کو ایران سے ٹماٹر درآمد کرنیکی اجازت دی ہے جو مجموعی طور پر 4500ٹن ٹماٹر درآمد کریں گی۔
ایرانی ٹماٹر آج کراچی سبزی منڈی پہنچ جائیں گے اور اتوار کے روز سے کراچی کے بازاروں میں فروخت کیے جائیں گے جس کے بعد ٹماٹر کی قیمتوں میں کمی ہوگی۔ذرائع سے یہ بھی معلوم ہوا ہے کہ ایران سے ٹماٹروں کے ٹریلز کوئٹہ کی طرف روانہ کردئے گئے ہیں۔