کانجو بازار میں چھوٹے گوشت کے نام پر بچھڑوں کی قربانی کا انکشاف

سوات(زما سوات ڈاٹ کام) سوات کی تحصیل کبل کے علاقہ کانجو بازار،سمبٹ مٹہ اور دیگر علاقوں میں چھوٹے گوشت کے نام گائے کے بچھڑوں کی قربانی کا انکشاف ہوا ہے ۔ ذرائع کے کہنا ہے کہ یہ علاقے میں عرصہ دراز سے گائے کے چھوٹے گوشت کیلئے شہرت رکھتے ہیں لیکن اب یہ کاروبار مقامی گائے کے بچھڑوں کیلئے وبال جان بن گیا ہے، بہت ہی کم عمر بچھڑوں کو ذبح کرکے فروخت کیاجاتا ہے جس پر عوامی حلقوں نے تشویش کا اظہار کیا ہے،ذرائع کا کہنا ہے کہ کانجو بازار میں صبح سویرے ان بچھڑوں کو ذبح کیا جاتا ہے جن کی عمریں چند ماہ تک ہوتی ہیں جوکہ مقامی گائے کی نسل کشی کیساتھ ساتھ صحت کیلئے بھی فائدہ مند نہیں ہے جبکہ اتنے چھوٹے جانوروں کو ذبح کرنا تشدد کی علامت ہے جوکہ انسانی معاشرہ کیلئے خطرناک ہے۔