سوات(زما سوات ڈاٹ کام) سوات میں چوری کی بڑھتی ہوئی وارداتیں، عوام تشویش کا شکار، سیدو شریف شگئی میں دکانوں کے تالے توڑ دئے گئے جبکہ مینگورہ کے صرافہ بازار میں جیولری کی دکان کو لوٹ لیا گیا۔ گزشتہ دنوں سیدو شریف کے علاقے شگئی میں دو دکانوں کے تالے توڑے گئے تھے جبکہ دوسرے روز برکلے میں بھی کریانہ کی دکان سے چوری کی گئی تھی۔ مینگورہ شہر کے صرافہ بازار میں بھی جمعرات کے روز جیولری کی دکان سے دو سو تولے سونا لوٹ لیا گیا تھا۔ چوری اور ڈکیتی کی بڑھتی ہوئی وارداتوں کے بعد عوام تشویش کا شکار ہو گئے ہیں۔ لوگوں نے پولیس حکام سے فوری اقدامات اُٹھانے کا مطالبہ کردیا ہے ۔