سوات (زما سوات ڈاٹ کام ، تازہ ترین۔ 23 مارچ 2019ء) سوات پریس کلب کے سابق چیئرمین اور معروف صحافی سلیم خان مرحوم کی آٹھویں برسی عقیدت و احترام کیساتھ منائی گئی اس سلسلہ میں مرحوم کے روح کی ایصال ثواب کیلئے ان کی رہائش گاہ پر ختم القرآن کا اہتمام کیا گیا جس میں مرحوم کے عزیز و اقارب اور صحافیوں نے شرکت کی اس موقع پر شرکاء نے مرحوم کی سماجی اور صحافتی خدمات پر انہیں شاندار الفاظ میں خراج عقیدت پیش کیا اور ان کی مغفرت کیلئے اجتماعی دعا کی گئی۔