سوات(زما سوات ڈاٹ کام) پاکستان پیپلز پارٹی چارباغ کے سینئر وائس پریزیڈنٹ سید سردار نے کہا ہے کہ سوات میں سوئی گیس کی غیر اعلانیہ لوڈ شیڈنگ نے صارفین کی مشکلات بڑھا دی ہے، اخباری بیان جاری کرتے ہوئے انہوں نے کہا کہ موسم سرما کا آغاز ہوتے ہی گیس کی لوڈشیڈنگ شروع کردی گئی ہے، صبح سے گیس غائب کردی جاتی ہے جس کے باعث گھریلوں صارفین کو کھانا پکانے میں مشکلات کا سامنا ہوتا ہے، انہوں نے کہا کہ گیس کی غیر اعلانیہ لوڈ شیڈنگ کا فوری خاتمہ کیا جائے اور عوام کو ریلیف فراہم کی جائے۔