سوات(زما سوات ڈاٹ کام)بجلی بلوں میں ظالمانہ ٹیکسوں کے اندراج، ناروا مہنگائی و بے روز گاری کے خلاف جماعت اسلامی رحیم آبادکا احتجاجی کیمپ میں سیاسی و سماجی رہنماؤں اور عوام کی بھر پور شرکت، بجلی بلوں میں پی ایف اے کے نام پر ٹیکس ختم کرنے کا مطالبہ، تفصیلات کے مطابق جماعت اسلامی رحیم آباد کے زیر اہتمام بجلی بلوں میں پی ایف اے کے نام ٹیکسوں کے اندراج، بے روزگاری و مہنگائی کے خلاف احتجاجی کیمپ صبح 9 بجے سے ایک بجہ دوپہر تک منعقد کیا گیا جس سے امیر جماعت اسلامی مینگورہ شہر اور سابق ایم پی اے محمد امین، حاجی حیات علی، سردار علی اور دیگر نے خطاب کیا اور کہا کہ حکمرانوں کی ناقص پالیسیوں کے باعث ملک میں مہنگائی اور بے روزگاری کا طوفان برپا کیا گیا ہے اور اب بجلی بلوں میں پی ایف اے کے نام پر ٹیکس شامل کیا گیا ہے جو نارواظلم ہے، انہوں نے مطالبہ کیا کہ بلوں سے پی ایف اے کا خاتمہ نہیں کیا گیا تو احتجاج کا سلسلہ جاری رہیگا