سوات (زما سوات ڈاٹ کام ) سوات میں حادثات کی روک تھام یقینی بنانے کیلئے آپریشن کا آغاز کردیا گیا ہے۔ پولیس اورٹریفک پولیس نے متحرک ہوتے ہوئے ون ویلنگ کرنیوالوں کیخلاف کریک ڈاؤن میں متعدد ملزمان کو گرفتارکرلیا۔ موٹرسائیکلیں تھانہ بنڑ میں بند کردی گئی۔اس حوالے سے ڈی پی او سوات شفیع اللہ گنڈاپور نے کہا ہے کہ ون ویلنگ کرنیوالوں کیخلاف کارروائیوں کا سلسلہ مزید تیز کیا جائے گا اور موٹرسائیکلوں کو قبضے میں لے کر ون ویلنگ کرنیوالوں کو گرفتار کرکے ان کے والدین سے تحریری طور پر ضمانت لیں گے کہ ان کے بچے آئندہ ون ویلنگ کے مرتکب نہیں ہوں گے۔