سوات (زما سوات ڈاٹ کام ) مینگورہ کے علاقہ امانکوٹ میں مکان کی چھت گرنے سے ایک بچی جاں بحق جبکہ دو خواتین زخمی ہو گئیں، ذرائع کے مطابق محلہ میر خیل امانکوٹ میں رحمت گل نامی شخص کے مکان کی چھت گر گئی جس کے نتیجے میں ایک بچی فاطمہ دختر سلیمان اور دو خواتین ملبے تلے دب گئیں، مقامی لوگوں نے تینوں کو ملبے سے نکال کر اسپتال منتقل کردیا تاہم بچی جانبر نہ ہو سکی،واقعے کے بعد پولیس اور ایڈیشنل ڈپٹی کمشنر سہیل خان نے جائے وقوعہ کا دورہ کیا اور امدادی کارروائیوں کا جائزہ لیا۔