سوات (زما سوات ڈاٹ کام ) چیئرمین ڈیڈک ایم پی اے فضل حکیم خان اور میئر شاہد علی نے عوامی نیشنل پارٹی کی اہم وکٹ گرادی، وی سی چیئرمین امانکوٹ ون رستم خان گل دا اپنے خاندان اورساتھیوں سمیت پاکستان تحریک انصاف میں شامل، علاقہ امانکوٹ میں عوامی نیشنل پارٹی کو شدید دھچکا، علاقے میں تحریک انصاف کی اونچی اڑان، تفصیلات کے مطابق مینگورہ کے نواحی علاقہ امانکوٹ میں ایک شمولیتی جلسہ کے دوران عوامی نیشنل پارٹی سے تعلق رکھنے والے ویلج کونسل امانکوٹ کے چیئرمین رستم خان گل دا نے اپنے خاندان اورساتھیوں سمیت اے این پی کو خیرباد کہتے ہوئے پاکستان تحریک انصاف میں شمولیت کااعلان کردیا، اس موقع پر ایم پی اے فضل حکیم خان یوسفزئی کے علاوہ میئرشاہدعلی، تحریک انصاف پی کے 5کے صدر حیدرعلی خان،پی ایس ٹو ایم این اے خلیل الرحمان،پی کے 5کے جنرل سیکرٹری جہانزیب گوگل اور نئے شامل ہونے والے رستم خان گل دا نے بھی خطاب کیا تقریب سے خطاب کرتے ہوئے چیئرمین ڈیڈک ایم پی اے فضل حکیم خان نے کہا کہ اللہ تعالیٰ کے فضل وکرم سے پی کے 5کوایک ماڈل علاقہ بنایاگیاہے، لوگوں کوپینے کے صاف پانی کی فراہمی سمیت علاقے میں اربوں روپے کے ترقیاتی کام کئے ہیں، جس کی وجہ سے آج لوگ تحریک انصاف میں شامل ہورہے ہیں انہوں نے کہا کہ تحریک انصاف لوگوں کی توجہ کامرکز بن چکاہے اورلوگوں کی دھڑادھڑشمولیتوں کی وجہ سے حلقہ پی کے 5تحریک انصاف کامضبوط گڑھ بن چکاہے۔